Thesaurus Athenarum Delphis ad munera urbis Athenarum asservanda exstructus est. Ad viam sacram, quae ad templum Apollinis ducebat, situs erat. Datatio exacta aedificii ex marmore Pario in formam templi in antis ordinis Dorici facti fieri nequit, sed inter annos 510 et 490 a.C.n. aedificatum esse conicitur.
In pariete exteriore huius thesauri duo hymni in honorem Apollinis insculpti erant, e quorum fragmentis in ruderibus repertis partim textus integri restituti sunt. Auctor alterius hymni Limenios quidam est, nomen alterius deperditum est. Utrique carmini notae musicae antiquae additae sunt.[1]
© MMXXIII Rich X Search. We shall prevail. All rights reserved. Rich X Search